Łukašenka zajaviŭ, što złaviŭ 54‑kiłahramovaha soma na Prypiaci. U papiaredniaj bajcy hety ž som važyŭ 57 kh
«Cełuju hadzinu vyciahvaŭ, a jon sumnymi vačyma hladzić».
Ilustracyjnaje fota
Pra heta jon raskazaŭ padčas uračystaj cyrymonii adkryćcia fiestyvalu «Klič Paleśsia», paviedamlaje jaho pres-słužba.
«Ja adnojčy ŭ vas rybačyŭ na soma. Złaviŭ soma — 54 kh. Cełuju hadzinu vyciahvaŭ. Vyciahnuli jaho bahrom, pakłali ŭ łodku, a jon sumnymi vačyma hladzić. I paśla hetaha ja na soma nie rybaču — pierad vačyma hetyja vočy. Škada vialikuju rybu», — pryznaŭsia Alaksandr Łukašenka.
Łukašenka ŭžo raskazvaŭ hetu historyju. Praŭda, tady som važyŭ 57 kh.