У Падмаскоўі дагарае самы вялікі лагістычны цэнтр Wildberries
У ноч на 16 жніўня Маскоўскую вобласць атакавалі беспілотнікі. Як паведаміў мэр расійскай сталіцы Сяргей Сабянін, сілы СПА збілі дзясяткі БПЛА, якія ляцелі на Маскву. У выніку падзення абломкаў у раёне МКАД пацярпелі тры чалавекі, а ў самім Падмаскоўі ўспыхнулі маштабныя пажары на буйных лагістычных аб'ектах.
Гарыць склад у Каледзіне, Маскоўская вобласць. Скрыншот з відэа
Асноўны ўдар прыйшоўся па найбуйнейшым складскім комплексе Wildberries у вёсцы Каледзіна Падольскага раёна. Плошча яго — каля 250 тысяч квадратных метраў, і ён лічыцца галоўным лагістычным вузлом кампаніі.
На кадрах зафіксаваны магутны выбух і полымя, якія ахапілі складскія памяшканні.
Акрамя аб'екта ў Падольску, яшчэ адзін пажар успыхнуў у Дамадзедаве. Паводле даных аналізу ASTRA, там агонь ахапіў склад №15 у сартавальна-лагістычным комплексе плошчай каля 16,5 тысяч квадратных метраў.