U Padmaskoŭi daharaje samy vialiki łahistyčny centr Wildberries
U noč na 16 žniŭnia Maskoŭskuju vobłaść atakavali bieśpiłotniki. Jak paviedamiŭ mer rasijskaj stalicy Siarhiej Sabianin, siły SPA źbili dziasiatki BPŁA, jakija lacieli na Maskvu. U vyniku padzieńnia abłomkaŭ u rajonie MKAD paciarpieli try čałavieki, a ŭ samim Padmaskoŭi ŭspychnuli maštabnyja pažary na bujnych łahistyčnych abjektach.
Haryć skład u Kaledzinie, Maskoŭskaja vobłaść. Skrynšot ź videa
Asnoŭny ŭdar pryjšoŭsia pa najbujniejšym składskim kompleksie Wildberries u vioscy Kaledzina Padolskaha rajona. Płošča jaho — kala 250 tysiač kvadratnych mietraŭ, i jon ličycca hałoŭnym łahistyčnym vuzłom kampanii.
Na kadrach zafiksavany mahutny vybuch i połymia, jakija achapili składskija pamiaškańni.
Akramia abjekta ŭ Padolsku, jašče adzin pažar uspychnuŭ u Damadziedavie. Pavodle danych analizu ASTRA, tam ahoń achapiŭ skład №15 u sartavalna-łahistyčnym kompleksie płoščaj kala 16,5 tysiač kvadratnych mietraŭ.