Выпускнік пінскай школы падарыў ёй сучасную спартыўную пляцоўку
Былы вучань сярэдняй школы №9 у Пінску зрабіў сваёй альма-матар падарунак — набыў і ўсталяваў за ўласныя грошы воркаўт-пляцоўку з трэнажорамі.
Пра незвычайны прэзент выданню «Зара» распавёў дырэктар школы Міхаіл Нікалаеўскі. Выпускнік, які скончыў школу прыблізна 20 гадоў таму, зараз жыве ў Беларусі і рэгулярна наведвае бацькоў у Пінску. Падчас аднаго з прыездаў ён звярнуў увагу, што спартыўнае абсталяванне на школьным двары амаль не змянілася з часоў яго вучобы, і вырашыў гэта выправіць.
Мужчына цалкам узяў на сябе набыццё і ўстаноўку абсталявання, але пажадаў застацца ананімным — дырэктар школы з ім нават асабіста не сустракаўся.
Агульны кошт праекта разам з мантажом склаў 45 тысяч рублёў.