Vypusknik pinskaj škoły padaryŭ joj sučasnuju spartyŭnuju placoŭku
Były vučań siaredniaj škoły №9 u Pinsku zrabiŭ svajoj alma-matar padarunak — nabyŭ i ŭstalavaŭ za ŭłasnyja hrošy vorkaŭt-placoŭku z trenažorami.
Pra niezvyčajny prezient vydańniu «Zara» raspavioŭ dyrektar škoły Michaił Nikałajeŭski. Vypusknik, jaki skončyŭ škołu pryblizna 20 hadoŭ tamu, zaraz žyvie ŭ Biełarusi i rehularna naviedvaje baćkoŭ u Pinsku. Padčas adnaho z pryjezdaŭ jon źviarnuŭ uvahu, što spartyŭnaje abstalavańnie na školnym dvary amal nie źmianiłasia z časoŭ jaho vučoby, i vyrašyŭ heta vypravić.
Mužčyna całkam uziaŭ na siabie nabyćcio i ŭstanoŭku abstalavańnia, ale pažadaŭ zastacca ananimnym — dyrektar škoły ź im navat asabista nie sustrakaŭsia.
Ahulny košt prajekta razam z mantažom skłaŭ 45 tysiač rubloŭ.