Дрон, збіты раніцай у пятніцу ў Латвіі, заляцеў з боку Беларусі
Зараз таксама высвятляецца, з якой краіны паходзіць беспілотнік.
Райвіс Мелніс, фота з яго фэйсбука
У пятніцу, 14 жніўня, дрон заляцеў на тэрыторыю Латвіі з боку Беларусі, паведаміў у інтэрв’ю на Латвійскім тэлебачанні міністр абароны Райвіс Мелніс, піша Delfi.lv.
Зараз таксама высвятляецца, з якой краіны паходзіць беспілотнік.
Міністр пацвердзіў, што дроны, якія будуць залятаць на тэрыторыю Латвіі, будуць збівацца.
Раніцай у пятніцу знішчальнікі НАТА збілі беспілотнік, які ўвайшоў у паветраную прастору Латвіі, каля возера Бажэвас на паўночным усходзе Латвіі. Дрон быў збіты ў лясістай мясцовасці, ніхто з жыхароў не пацярпеў, шкоды маёмасці не нанесена.