Dron, źbity ranicaj u piatnicu ŭ Łatvii, zalacieŭ z boku Biełarusi
Zaraz taksama vyśviatlajecca, ź jakoj krainy pachodzić bieśpiłotnik.
Rajvis Miełnis, fota ź jaho fejsbuka
U piatnicu, 14 žniŭnia, dron zalacieŭ na terytoryju Łatvii z boku Biełarusi, paviedamiŭ u intervju na Łatvijskim telebačańni ministr abarony Rajvis Miełnis, piša Delfi.lv.
Zaraz taksama vyśviatlajecca, ź jakoj krainy pachodzić bieśpiłotnik.
Ministr paćvierdziŭ, što drony, jakija buduć zalatać na terytoryju Łatvii, buduć źbivacca.
Ranicaj u piatnicu źniščalniki NATA źbili bieśpiłotnik, jaki ŭvajšoŭ u pavietranuju prastoru Łatvii, kala voziera Baževas na paŭnočnym uschodzie Łatvii. Dron byŭ źbity ŭ lasistaj miascovaści, nichto z žycharoŭ nie paciarpieŭ, škody majomaści nie naniesiena.