Сабаленка захавала першы радок у сусветным тэнісе
Алене Рыбакінай не ўдалося змясціць беларуску па выніках турніру ў Цынцынаці.
AP Photo / Asanka Brendon Ratnayake
Другая ракетка свету, прадстаўніца Казахстана Алена Рыбакіна ўпершыню ў кар'еры магла ўзначаліць сусветны рэйтынг. Каб скінуць Сабаленку, якая прайграла ў 1/8 фіналу, з першага месца, ёй неабходна было выйсці ў фінал турніру ў Цынцынаці.
А калі б Рыбакіна выйграла турнір, то адарвалася б на 350 балаў.
Аднак у чвэрцьфінале турніру супраць полькі Ігі Свёнтэк сёння ноччу прадстаўніца Казахстана атрымала траўму і была вымушаная зняцца з матча.
Сабаленка ўтрымлівае першы радок у сусветным тэнісе год і 10 месяцаў — з 20 кастрычніка 2024 года.
Але можа страціць яго па выніках Адкрытага чэмпіянату ЗША (US Open). Беларуска выйграла гэты турнір, таму будзе абараняць 2000 балаў за перамогу.