Sabalenka zachavała pieršy radok u suśvietnym tenisie
Alenie Rybakinaj nie ŭdałosia źmiaścić biełarusku pa vynikach turniru ŭ Cyncynaci.
AP Photo / Asanka Brendon Ratnayake
Druhaja rakietka śvietu, pradstaŭnica Kazachstana Alena Rybakina ŭpieršyniu ŭ karjery mahła ŭznačalić suśvietny rejtynh. Kab skinuć Sabalenku, jakaja prajhrała ŭ 1/8 finału, ź pieršaha miesca, joj nieabchodna było vyjści ŭ finał turniru ŭ Cyncynaci.
A kali b Rybakina vyjhrała turnir, to adarvałasia b na 350 bałaŭ.
Adnak u čverćfinale turniru suprać polki Ihi Śviontek siońnia nočču pradstaŭnica Kazachstana atrymała traŭmu i była vymušanaja źniacca z matča.
Sabalenka ŭtrymlivaje pieršy radok u suśvietnym tenisie hod i 10 miesiacaŭ — z 20 kastryčnika 2024 hoda.
Ale moža stracić jaho pa vynikach Adkrytaha čempijanatu ZŠA (US Open). Biełaruska vyjhrała hety turnir, tamu budzie abaraniać 2000 bałaŭ za pieramohu.