Румынія зноў пачала выдаваць візы беларусам
Консульскі аддзел Пасольства Румыніі ў Мінску з 20 жніўня аднавіў працу. Цяпер беларусы зноў могуць падаваць у Мінску дакументы на кароткатэрміновыя румынскія шэнгенскія візы.
Пасольства Румыніі ў Мінску. Фота: Яндэкс-Карты
Прыём дакументаў быў прыпынены яшчэ ў маі і не праводзіўся каля трох месяцаў. Гэта ўжо не першы перапынак у працы румынскага консульства ў Мінску сёлета.
Падрабязную інфармацыю пра парадак падачы дакументаў і неабходныя паперы можна атрымаць у консульскім аддзеле пасольства.
Паколькі Румынія ўваходзіць у Шэнгенскую зону, кароткатэрміновыя візы, выдадзеныя яе консульствам, з’яўляюцца шэнгенскімі.
Пры гэтым у паведамленні пра аднаўленне працы не ўдакладняецца, колькі месцаў даступна для запісу, колькі часу будзе займаць разгляд заяў і на які тэрмін будуць выдавацца візы.
Чытайце таксама:
Як атрымаць летам шэнген? Чаму беларусам у ім адмаўляюць і дзе атрымаць візу прасцей?
Стане складаней атрымаць візу ў Латвію
Сітуацыя з візамі для сваякоў беларусаў, якія жывуць у Чэхіі, хутка можа палепшыцца
Ахвотным паехаць па бязвізе ў М'янму трэба быць акуратнымі з мабільнымі тэлефонамі