Энергетыкі Беларусі з-за цыклона «Прыска» працуюць ва ўзмоцненым рэжыме
Энергетыкі Беларусі перайшлі на ўзмоцнены рэжым працы з-за моцнага ветру, які прынёс у краіну цыклон «Прыска». Парывы ветру дасягаюць 27 м/с.
Фота: РУП «Белэнерга»
Асаблівы рэжым працы ўведзены ў Гродзенскай, Віцебскай і Брэсцкай абласцях. Там цяпер працуюць 185 аварыйных брыгад, задзейнічана 220 адзінак тэхнікі.
Па апошніх звестках, перабоі з электразабеспячэннем зафіксаваныя ў 148 населеных пунктах. Аднаўленчыя работы ўскладняюцца вялікай колькасцю дрэў і галін, якія ўпалі на лініі электраперадачы.
«Белэнерга» паведамляе, што спецыялісты робяць усё магчымае, каб як мага хутчэй аднавіць электразабеспячэнне.
Энергетыкі таксама нагадваюць: калі вы заўважылі пашкоджаныя лініі электраперадачы, ні ў якім разе нельга да іх набліжацца. Пра такія выпадкі трэба неадкладна паведамляць па тэлефонах 115 або 144.
Чытайце таксама:
Штармавы вецер пакінуў без электрычнасці больш за 30 населеных пунктаў Гродзеншчыны