Enierhietyki Biełarusi z-za cykłona «Pryska» pracujuć va ŭzmocnienym režymie
Enierhietyki Biełarusi pierajšli na ŭzmocnieny režym pracy z-za mocnaha vietru, jaki prynios u krainu cykłon «Pryska». Paryvy vietru dasiahajuć 27 m/s.
Fota: RUP «Biełenierha»
Asablivy režym pracy ŭviedzieny ŭ Hrodzienskaj, Viciebskaj i Bresckaj abłaściach. Tam ciapier pracujuć 185 avaryjnych bryhad, zadziejničana 220 adzinak techniki.
Pa apošnich źviestkach, pieraboi z elektrazabieśpiačeńniem zafiksavanyja ŭ 148 nasielenych punktach. Adnaŭlenčyja raboty ŭskładniajucca vialikaj kolkaściu dreŭ i halin, jakija ŭpali na linii elektrapieradačy.
«Biełenierha» paviedamlaje, što śpiecyjalisty robiać usio mahčymaje, kab jak maha chutčej adnavić elektrazabieśpiačeńnie.
Enierhietyki taksama nahadvajuć: kali vy zaŭvažyli paškodžanyja linii elektrapieradačy, ni ŭ jakim razie nielha da ich nabližacca. Pra takija vypadki treba nieadkładna paviedamlać pa telefonach 115 abo 144.
Čytajcie taksama:
Štarmavy viecier pakinuŭ biez elektryčnaści bolš za 30 nasielenych punktaŭ Hrodzienščyny