Украіна вярнула праз Беларусь дзесяць ваеннапалонных
Прэзідэнт Уладзімір Зяленскі паведаміў, што ў межах спецыяльнага абмену 24 жніўня ва Украіну вярнулі яшчэ некалькі абаронцаў.
«Сёння ў межах спецыяльнага этапу абмену вяртаем 10 нашых воінаў — праз Беларусь», — напісаў ён.
Паводле слоў прэзідэнта, ва Украіну вярнулі вайскоўцаў Узброеных сіл і Нацыянальнай гвардыі Украіны, якія абаранялі краіну на данецкім напрамку.
«Усе яны лічыліся зніклымі без вестак. І гэта вельмі важна, што нам удалося іх вярнуць», — адзначыў Уладзімір Зяленскі.