Ukraina viarnuła praź Biełaruś dziesiać vajennapałonnych
Prezident Uładzimir Zialenski paviedamiŭ, što ŭ miežach śpiecyjalnaha abmienu 24 žniŭnia va Ukrainu viarnuli jašče niekalki abaroncaŭ.
«Siońnia ŭ miežach śpiecyjalnaha etapu abmienu viartajem 10 našych voinaŭ — praź Biełaruś», — napisaŭ jon.
Pavodle słoŭ prezidenta, va Ukrainu viarnuli vajskoŭcaŭ Uzbrojenych sił i Nacyjanalnaj hvardyi Ukrainy, jakija abaraniali krainu na danieckim napramku.
«Usie jany ličylisia źnikłymi bieź viestak. I heta vielmi važna, što nam udałosia ich viarnuć», — adznačyŭ Uładzimir Zialenski.