Ад сёння беларускія кіроўцы абавязаныя ўключаць фары нават днём
З 25 жніўня ў Беларусі пачынаецца спецыяльнае комплекснае мерапрыемства Дзяржаўтаінспекцыі «Увага — дзеці!», якое будзе доўжыцца да 5 верасня.
Здымак ілюстрацыйны
У гэты перыяд усім кіроўцам неабходна ўключаць бліжняе святло фар альбо дзённыя хадавыя агні, калі яны прадугледжаныя аўтамабілем, нават падчас руху ўдзень. Гэта патрабаванне замацавана ў пункце 166.9 Правіл дарожнага руху.
За яго парушэнне прадугледжана папярэджанне або штраф да трох базавых адзінак — да 111 рублёў.
Напярэдадні новага навучальнага года ДАІ заклікае кіроўцаў і іншых удзельнікаў дарожнага руху быць асабліва ўважлівымі. На дарогах узмоцняць кантроль і правядуць прафілактычныя мерапрыемствы. Асаблівая ўвага будзе надавацца бяспецы дзяцей.
Чытайце таксама:
Дарожную разметку ў Мінску ўсё часцей наносяць пластыкам
У Кобрынскім раёне 11‑гадовы кіроўца квадрацыкла перавозіў 7‑гадовага пасажыра
Бярозавец пры раздзеле маёмасці дазнаўся, што купіў аўтамабіль з перабітым VIN-нумарам