У Беларусі хутка пачнуць прадаваць блакітныя і зялёныя яйкі
Незвычайны праект запускае Салігорская птушкафабрыка, піша «Мінская праўда».
Фота ілюстрацыйнае
За каляровую шкарлупіну адказваюць куры парод араўкана і амераўкана. Выглядаюць яны як сапраўдныя дзівосы — паласатыя, з пухнатымі галоўкамі і каляровымі лапкамі.
Кіраўніцтва птушкафабрыкі абяцае, што смак у яек будзе выдатным, бо для птушак будуюць спецыяльныя птушнікі з «ціхімі зонамі». Кажуць, што калі курыца спакойная, яйка атрымліваецца больш смачнае і карыснае, бо ў ім тады больш лецыціну.
На прылаўкі такія яйкі плануюць выкласці ў сярэдзіне 2027 года. Ва ўпакоўках іх будзе па 9 штук.