U Biełarusi chutka pačnuć pradavać błakitnyja i zialonyja jajki
Niezvyčajny prajekt zapuskaje Salihorskaja ptuškafabryka, piša «Minskaja praŭda».
Fota ilustracyjnaje
Za kalarovuju škarłupinu adkazvajuć kury parod araŭkana i amieraŭkana. Vyhladajuć jany jak sapraŭdnyja dzivosy — pałasatyja, z puchnatymi hałoŭkami i kalarovymi łapkami.
Kiraŭnictva ptuškafabryki abiacaje, što smak u jajek budzie vydatnym, bo dla ptušak budujuć śpiecyjalnyja ptušniki z «cichimi zonami». Kažuć, što kali kuryca spakojnaja, jajka atrymlivajecca bolš smačnaje i karysnaje, bo ŭ im tady bolš lecycinu.
Na pryłaŭki takija jajki płanujuć vykłaści ŭ siaredzinie 2027 hoda. Va ŭpakoŭkach ich budzie pa 9 štuk.