МЗС Украіны пракаментавала прызнанне старонкі Яраслава Чарнагора «экстрэмісцкай»
МЗС Украіны выступіла з заявай у сувязі з прызнаннем у Беларусі «экстрэмісцкім» інстаграм-акаўнта Яраслава Чарнагора — дыпламата і спецпрадстаўніка Украіны па беларускіх пытаннях.
Яраслаў Чарнагор. Фота: «Наша Ніва»
МЗС Украіны расцэньвае гэтую падзею як працяг серыі аналагічных раней зробленых крокаў, накіраваных супраць EUvsDisinfo, падтрыманых ЕС праграм SALT і «Адукацыя для беларусаў», а таксама супраць Літоўскага агенцтва па кіраванні цэнтральнымі праектамі.
«Мінск дзейнічае паводле маскоўскай метадычкі, намагаючыся заглушыць нязгодных і запалохаць уласнае насельніцтва.
Мы далучаемся да патрабаванняў Еўрасаюза аб неадкладнай адмене гэтых рашэнняў, забеспячэнні вольнага доступу да інфармацыі для беларусаў і спыненні рэпрэсій.
Заклікаем да ўзмацнення ціску на абодва рэжымы, якія працягваюць пагражаць еўрапейскай бяспецы», — заявіў прэс-сакратар украінскага МЗС Георгій Ціхі.
Чытайце таксама:
Старонку пасла Украіны па беларускіх пытаннях прызналі «экстрэмісцкай»
Прызналі «экстрэмісцкім» у Беларусі польскае каталіцкае выданне
Выдавецтва «Тэхналогія» прызналі «экстрэмісцкай арганізацыяй»