MZS Ukrainy prakamientavała pryznańnie staronki Jarasłava Čarnahora «ekstremisckaj»
MZS Ukrainy vystupiła z zajavaj u suviazi z pryznańniem u Biełarusi «ekstremisckim» instahram-akaŭnta Jarasłava Čarnahora — dypłamata i śpiecpradstaŭnika Ukrainy pa biełaruskich pytańniach.
Jarasłaŭ Čarnahor. Fota: «Naša Niva»
MZS Ukrainy rasceńvaje hetuju padzieju jak praciah sieryi anałahičnych raniej zroblenych krokaŭ, nakiravanych suprać EUvsDisinfo, padtrymanych ES prahram SALT i «Adukacyja dla biełarusaŭ», a taksama suprać Litoŭskaha ahienctva pa kiravańni centralnymi prajektami.
«Minsk dziejničaje pavodle maskoŭskaj mietadyčki, namahajučysia zahłušyć niazhodnych i zapałochać ułasnaje nasielnictva.
My dałučajemsia da patrabavańniaŭ Jeŭrasajuza ab nieadkładnaj admienie hetych rašeńniaŭ, zabieśpiačeńni volnaha dostupu da infarmacyi dla biełarusaŭ i spynieńni represij.
Zaklikajem da ŭzmacnieńnia cisku na abodva režymy, jakija praciahvajuć pahražać jeŭrapiejskaj biaśpiecy», — zajaviŭ pres-sakratar ukrainskaha MZS Hieorhij Cichi.
Čytajcie taksama:
Staronku pasła Ukrainy pa biełaruskich pytańniach pryznali «ekstremisckaj»
Pryznali «ekstremisckim» u Biełarusi polskaje katalickaje vydańnie
Vydaviectva «Technałohija» pryznali «ekstremisckaj arhanizacyjaj»