Абсерваторыя Мінскага планетарыя амаль гатовая да ўводу пасля рэканструкцыі
Рэканструкцыя абсерваторыі Мінскага планетарыя амаль завершаная. Будаўнікі СУ-199 трэста №35 заканчваюць другі этап работ, які ўключаў абнаўленне абсерваторыі, піша БелТА.
Фота: «Мінскбуд»
У абсерваторыі ўжо ўсталявалі новыя вітражы, абнавілі фасад і змантавалі вінтавую лесвіцу. Цяпер аб’ект чакае заключэння аб магчымасці ўводу ў эксплуатацыю. Пасля гэтага будаўнічую агароджу плануюць прыбраць.
Тым часам рэканструкцыя самога будынка планетарыя працягваецца. Будаўнікі пачалі мантаж лускаватага даху, а ўнутры завяршаюць аздобныя і спецыяльныя работы. Таксама ўсталяваныя вітражныя сістэмы і мантуюцца дзвярныя блокі.
Чытайце таксама:
На Мінскім планетарыі ставяць купал, ён круціцца на 360 градусаў
У Мінскім планетарыі пачалі зборку новага купала
Калі ў Мінску адкрыюць абноўлены планетарый?
Мінскі планетарый закрыецца на рэканструкцыю. Паказалі, як ён будзе выглядаць