У парку імя Горкага працягваецца мадэрнізацыя абсерваторыі сталічнага планетарыя. У снежні на будынку дэмантавалі стары купал і пачалі ўмацаванне апорных калон, а цяпер на пляцоўку даставілі новы алюмініевы купал. Падрабязнасці распавялі ў «Мінскбудзе».
Канструкцыю вырабілі ў Маскве, а ў Мінск прывезлі ў разабраным выглядзе. Пасля зборкі купал, абсталяваны электрапрывадам і створкамі, што раскрываюцца з аглядам на 360°, усталююць на будынак. Цяпер будаўнікі якраз фарміруюць бетонную аснову пад яго ўстаноўку.
Паралельна на аб’екце вядуцца тынкавыя работы і мантаж вонкавай лесвіцы. Унутры будынка ўжо завяршылі дэмантаж старых перагародак і даху.
Пасля перапланіроўкі ў абсерваторыі пашыраць фае, а ўсё тэхнічнае абсталяванне вынесуць у падвальную частку.
Праект прадугледжвае поўнае абнаўленне «начыння»: у планетарыі заменяць экран, акустыку і праекцыйную сістэму. Для гледачоў усталююць новыя крэслы з функцыяй нахілу спінкі. Нягледзячы на глыбокую мадэрнізацыю, архітэктурны вобраз будынка абяцаюць захаваць — ад лускаватага пакрыцця даху да аўтэнтычнага напісання шыльды «Планетарый».
Цяпер чытаюць
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі34
Каментары