Лукашэнка заявіў, што ў яго на поўдні і ў Расіі на захадзе ёсць супольная праблема
Аляксандр Лукашэнка, сустракаючыся ў Маскве з прэм'ер-міністрам Расіі Міхаілам Мішусціным, выказаў упэўненасць, што Расія і Беларусь справяцца з супольнымі праблемамі, сярод якіх пераважае адна.
Аляксандр Лукашэнка. Фота прэс-службы расійскага ўрада
«На перспектыву пагаворым пра нашу супольную праблему, якую нам даводзіцца вырашаць на поўдні Беларусі і на захадзе Расійскай Федэрацыі. Сапраўды — праблема. Але мы яе вырашым. Мы яе вырашым, як бы камусьці гэтага ні хацелася. А як каму хочацца, не хочацца, — мы гэтыя хацелкі з вамі ўжо раскусілі і вельмі добра разумеем, што адбываецца навокал нас», — заявіў Лукашэнка.
Акрамя Мішусціна, супольную праблему Лукашэнка падчас гэтага візіту ў Маскву збіраецца таксама абмеркаваць з прэзідэнтам Расіі Уладзімірам Пуціным.
Чытайце таксама:
Пяскоў: Мірныя перамовы з Украінай зараз «глыбока на паўзе»
Лукашэнка паляцеў у Расію да Пуціна
Кіт Келаг расказаў, навошта ЗША вялі перамовы з Лукашэнкам
У Палац Незалежнасці ў дзень адпачынку Лукашэнкі запрасілі 140 бізнэсменаў. Іх прымаў Турчын