«А фаршу там няма». Беларуска паскардзілася на мясныя падушачкі Брэсцкага мясакамбіната
Беларуска паказала мясныя падушачкі Брэсцкага мясакамбіната і паскардзілася, што прыблізна ў палове ўпакоўкі не было начынкі, заўважыла BGmedia.
Беларуска апублікавала ў тыктоку відэа «распакоўкі» пельменяў Брэсцкага мясакамбіната. Паводле слоў жанчыны, пасля гатавання яна выявіла, што частка з іх пустая.
«Такая штука: наварылі пельмені, а фаршу там няма», — расказвае жанчына.
Яна дастае з пакунка некалькі штук і паказвае начынку, дакладней, адсутнасць такой.
«Вось яшчэ адна — цэлая, але яна без фаршу. І так паўпачка, калі не больш», — кажа аўтарка відэа.
Паводле слоў беларускі, раней з падобным яна не сутыкалася.
Жанчына не ўдакладняе, ці звярталася яна напрост да вытворцы з прэтэнзіяй.
Пакуль на самім Брэсцкім мясакамбінаце не пракаментавалі сітуацыю.