«A faršu tam niama». Biełaruska paskardziłasia na miasnyja padušački Bresckaha miasakambinata
Biełaruska pakazała miasnyja padušački Bresckaha miasakambinata i paskardziłasia, što pryblizna ŭ pałovie ŭpakoŭki nie było načynki, zaŭvažyła BGmedia.
Biełaruska apublikavała ŭ tyktoku videa «raspakoŭki» pielmieniaŭ Bresckaha miasakambinata. Pavodle słoŭ žančyny, paśla hatavańnia jana vyjaviła, što častka ź ich pustaja.
«Takaja štuka: navaryli pielmieni, a faršu tam niama», — raskazvaje žančyna.
Jana dastaje z pakunka niekalki štuk i pakazvaje načynku, dakładniej, adsutnaść takoj.
«Voś jašče adna — cełaja, ale jana biez faršu. I tak paŭpačka, kali nie bolš», — kaža aŭtarka videa.
Pavodle słoŭ biełaruski, raniej z padobnym jana nie sutykałasia.
Žančyna nie ŭdakładniaje, ci źviartałasia jana naprost da vytvorcy z pretenzijaj.
Pakul na samim Bresckim miasakambinacie nie prakamientavali situacyju.