Беларуска вырасціла ў агародзе «каштанавыя» агуркі. Што гэта?
Жыхарка аграгарадка Слабада Вольга Грынкевіч здзівіла блізкіх незвычайным ураджаем — жанчына вырасціла агуркі сорту «каштан», якія сваім выглядам нагадваюць маленькія гарбузікі, піша narachanka.by.
Насенне незвычайнай агародніны беларусцы дала сяброўка. Паводле слоў Вольгі, сорт паказаў выдатную ўраджайнасць і пладаносіў усё лета.
Самі агуркі выраслі кампактнымі (пераважна трохі большымі за курынае яйка) і, галоўнае, без калючак.
На смак яны нічым не саступаюць звычайным: іх елі свежымі і дадавалі ў салаты, а асабліва новы ўраджай ацанілі ўнукі.
У наступным годзе гаспадыня плануе значна павялічыць пасадкі незвычайнага сорту.