Biełaruska vyraściła ŭ aharodzie «kaštanavyja» ahurki. Što heta?
Žycharka ahraharadka Słabada Volha Hrynkievič ździviła blizkich niezvyčajnym uradžajem — žančyna vyraściła ahurki sortu «kaštan», jakija svaim vyhladam nahadvajuć maleńkija harbuziki, piša narachanka.by.
Nasieńnie niezvyčajnaj aharodniny biełaruscy dała siabroŭka. Pavodle słoŭ Volhi, sort pakazaŭ vydatnuju ŭradžajnaść i pładanosiŭ usio leta.
Sami ahurki vyraśli kampaktnymi (pieravažna trochi bolšymi za kurynaje jajka) i, hałoŭnaje, biez kalučak.
Na smak jany ničym nie sastupajuć zvyčajnym: ich jeli śviežymi i dadavali ŭ sałaty, a asabliva novy ŭradžaj acanili ŭnuki.
U nastupnym hodzie haspadynia płanuje značna pavialičyć pasadki niezvyčajnaha sortu.