У Оршы запусцяць новае кітайскае прадпрыемства

У Віцебскай вобласці кітайскі інвестар плануе запусціць вытворчасць аўтакампанентаў. Праект будзе рэалізаваны на адной з пляцовак СЭЗ «Віцебск» у Оршы, піша выданне Office Life.

Фота: vitvesti.by

Новым рэзідэнтам свабоднай эканамічнай зоны стала кампанія «КЕЙАН Тэхноладжы». Гэта будзе першая вытворчасць аўтакампанентаў у СЭЗ «Віцебск».

Згодна з бізнэс-планам, прадпрыемства павінна стварыць не менш за 90 новых працоўных месцаў. Асноўную частку прадукцыі плануюць пастаўляць на экспарт.

Цяпер у СЭЗ «Віцебск» працуюць 54 прадпрыемствы-рэзідэнты. Сярод іншых праектаў з удзелам замежных інвестараў — вытворчасць спецыяльнага электратранспарту, гідрацыліндраў і гідрапомпаў, а таксама пашырэнне выпуску ветэрынарных прэпаратаў.

Каментары да артыкула