U Oršy zapuściać novaje kitajskaje pradpryjemstva

U Viciebskaj vobłaści kitajski inviestar płanuje zapuścić vytvorčaść aŭtakampanientaŭ. Prajekt budzie realizavany na adnoj ź placovak SEZ «Viciebsk» u Oršy, piša vydańnie Office Life.

Fota: vitvesti.by

Novym rezidentam svabodnaj ekanamičnaj zony stała kampanija «KIEJAN Technoładžy». Heta budzie pieršaja vytvorčaść aŭtakampanientaŭ u SEZ «Viciebsk».

Zhodna ź biznes-płanam, pradpryjemstva pavinna stvaryć nie mienš za 90 novych pracoŭnych miescaŭ. Asnoŭnuju častku pradukcyi płanujuć pastaŭlać na ekspart.

Ciapier u SEZ «Viciebsk» pracujuć 54 pradpryjemstvy-rezidenty. Siarod inšych prajektaŭ z udziełam zamiežnych inviestaraŭ — vytvorčaść śpiecyjalnaha elektratranspartu, hidracylindraŭ i hidrapompaŭ, a taksama pašyreńnie vypusku vieterynarnych preparataŭ.

Kamientary da artykuła