Самалёт, які ляцеў з Дубая ў Беларусь, сеў у аэрапорце Ісламабада праз недахоп паліва

Самалёт, які выконваў рэйс з Дубая ў Беларусь, здзейсніў незапланаваную пасадку ў аэрапорце Ісламабада ў Пакістане, паведамляюць пакістанскія СМІ.

Здымак ілюстрацыйны. Фота: jang.com.pk

Паводле інфармацыі крыніц, камандзір паветранага судна змяніў маршрут праз недастатковы запас паліва.

Авіяцыйныя крыніцы паведамляюць, што пасля дазапраўкі самалёт павінен праз некаторы час працягнуць палёт у Беларусь.

Назва авіякампаніі не паведамляецца, але па ўскосных звестках можна меркаваць, што гаворка ідзе пра самалёт кампаніі flydubai.

Каментары да артыкула