У Баранавічах мужчына знайшоў сумку з 50 тысячамі рублёў. Праз гадзіну палову іх ён ужо прайграў
У Баранавічах фігурантам крымінальнай справы стаў 37‑гадовы жыхар Бярозаўскага раёна, які праязджаў праз горад з перасадкай, піша мясцовае выданне «Наш край».
Здымак ілюстрацыйны. Фота: «Наша Ніва»
Да пяці гадзін раніцы мужчына адпачываў у гульнявым клубе, а пасля вырашыў прагуляцца каля чыгуначнага вакзала. Непадалёк ад клуба ён заўважыў у траве сумку. Унутры яе былі грошы — больш за 50 тысяч рублёў — і пашпарт уладальніка.
Мужчына вырашыў не вяртаць знаходку гаспадару і забраў сумку сабе. Пры гэтым ён зноў пайшоў у гульнявы клуб, дзе за гадзіну паспеў прайграць палову знойдзеных грошай.
Другую палову ён прайграць не паспеў таму, што яго затрымалі супрацоўнікі міліцыі. Крымінальную справу следчыя ўжо перадалі ў пракуратуру для накіравання ў суд.
Чытайце таксама:
У Астраўцы галоўная бухгалтарка скрала ў дзяржустановы больш за 100 тысяч рублёў
Мінчанка брала ў знаёмых тэлефоны пазваніць і афармляла на іх крэдыты