Беларусаў вярнулі ў міжнародны баскетбол
Міжнародная федэрацыя баскетбола (FIBA) адмяніла абмежаванні для беларускіх і расійскіх спартсменаў і баскетбольных афіцыйных асоб.
Фота: magnific.com
Цяпер беларускія і расійскія баскетбалісты, трэнеры, суддзі, камісары і іншыя прадстаўнікі змогуць удзельнічаць у міжнародных спаборніцтвах пад эгідай FIBA.
Рашэнне распаўсюджваецца як на звычайны баскетбол, так і на баскетбол 3×3. Прадстаўнікоў Беларусі і Расіі таксама можна будзе прызначаць на розныя афіцыйныя пасады ў міжнародных турнірах.
FIBA прыняла такое рашэнне з улікам рэкамендацыі Міжнароднага алімпійскага камітэта аб адмене абмежаванняў для спартсменаў з Беларусі і Расіі.
Пры гэтым пытанне вяртання ў міжнародныя турніры нацыянальных зборных і клубных каманд дзвюх краін пакуль застаецца адкрытым. FIBA плануе распрацаваць адпаведны план, а канчатковае рашэнне павінна быць прынята на пасяджэнні Цэнтральнай рады арганізацыі ў снежні 2026 года.
Беларускія баскетбалісты не ўдзельнічалі ў міжнародных спаборніцтвах з 2022 года.
Чытайце таксама:
З беларускіх шахматыстаў знялі ўсе абмежаванні
Міжнародная федэрацыя каноэ зніме ўсе абмежаванні з беларусаў
Міжнародная федэрацыя хакея на траве зняла абмежаванні з беларускіх каманд