Biełarusaŭ viarnuli ŭ mižnarodny baskietboł
Mižnarodnaja fiederacyja baskietboła (FIBA) admianiła abmiežavańni dla biełaruskich i rasijskich spartsmienaŭ i baskietbolnych aficyjnych asob.
Fota: magnific.com
Ciapier biełaruskija i rasijskija baskietbalisty, treniery, sudździ, kamisary i inšyja pradstaŭniki zmohuć udzielničać u mižnarodnych spabornictvach pad ehidaj FIBA.
Rašeńnie raspaŭsiudžvajecca jak na zvyčajny baskietboł, tak i na baskietboł 3×3. Pradstaŭnikoŭ Biełarusi i Rasii taksama možna budzie pryznačać na roznyja aficyjnyja pasady ŭ mižnarodnych turnirach.
FIBA pryniała takoje rašeńnie z ulikam rekamiendacyi Mižnarodnaha alimpijskaha kamiteta ab admienie abmiežavańniaŭ dla spartsmienaŭ ź Biełarusi i Rasii.
Pry hetym pytańnie viartańnia ŭ mižnarodnyja turniry nacyjanalnych zbornych i kłubnych kamand dźviuch krain pakul zastajecca adkrytym. FIBA płanuje raspracavać adpaviedny płan, a kančatkovaje rašeńnie pavinna być pryniata na pasiadžeńni Centralnaj rady arhanizacyi ŭ śniežni 2026 hoda.
Biełaruskija baskietbalisty nie ŭdzielničali ŭ mižnarodnych spabornictvach z 2022 hoda.
Čytajcie taksama:
Ź biełaruskich šachmatystaŭ źniali ŭsie abmiežavańni
Mižnarodnaja fiederacyja kanoe źnimie ŭsie abmiežavańni ź biełarusaŭ
Mižnarodnaja fiederacyja chakieja na travie źniała abmiežavańni ź biełaruskich kamand