Апублікавалі кароткі спіс прэміі імя Алеся Адамовіча

Беларускі ПЭН абвясціў кароткі спіс прэміі імя Алеся Адамовіча, якой ужо 30 гадоў адзначаюць творы, што становяцца важным голасам свайго часу.

У лік фіналістаў увайшлі:

• Сяргей Сашук са зборнікам «Голас пакалення свабоды» (выдавецтва «Полацкія лабірынты», 2025);
• Вольга Касцюк з кнігай апавяданняў «Дубовые яблочкі» (выдавецтва Skaryna Press, 2025);
• укладальніца і рэдактарка зборніка «Іду да вас, людзі» Алена Казлова (выдавецтва «Пфляўмбаўм», 2025);
• Юрка Ляшчынскі і Якуб Сушчынскі з рэпартажам «Памяць у Свіслaчы» (Беларускае Радыё Рацыя, 2025);
• Арцём Шуканаў з раманам «Пентаквантар» (выдавецтва Gutenberg Publisher, 2025);
• Марыя Пархімчык з раманам «Эйфарыя» (выдавецтва «Пфляўмбаўм», 2025).

Алесь Адамовіч (1927—1994) — беларускі літаратар, сцэнарыст, літаратуразнаўца і грамадскі дзеяч, адзін з заснавальнікаў Беларускага ПЭНу.

Прэмія яго імя ўручаецца з 1995 года за творы, прысвечаныя актуальным праблемам сучаснасці.

Каментары да артыкула