Да канца месяца мінскія вуліцы загадалі вызваліць ад аўтахламу
Мінскія ўлады плануюць на працягу верасня ачысціць гарадскія двары і вуліцы ад аўтамабіляў, якія працяглы час стаяць без гаспадароў і фактычна ператварыліся ў аўтахлам. Задачу завяршыць гэту працу да 1 кастрычніка паставіў намеснік старшыні Мінгарвыканкама Алег Корзун на пасяджэнні працоўнай групы, прысвечаным утрыманню і ўпарадкаванню горада.
Фота: «Мінск-Навіны»
На сустрэчы таксама абмяркоўвалі развіццё парковачнай прасторы і адпаведнай інфраструктуры. Генеральны дырэктар аб’яднання «Гаражы, аўтастаянкі і паркоўкі» Андрэй Зыранаў асобна звярнуў увагу на праблему кінутых аўтамабіляў, якія займаюць месцы ў дварах і на вуліцах. Пасля гэтага Алег Корзун даручыў цягам месяца прыбраць аўтагломазд з гарадской тэрыторыі.
Праблемай аўтагломазду ў Мінску займаюцца ўжо не першы год. Яшчэ ў сакавіку 2024 года сталічная Дзяржаўтаінспекцыя запусціла чат-бот, праз які гараджане могуць паведамляць пра кінутыя аўтамабілі.
Чытайце таксама:
Мінскія ўлады паказалі, як утылізуюць кінутыя машыны ВІДЭА
Улады настроеныя рашуча змагацца з аўтахламам у гарадскіх дварах