Da kanca miesiaca minskija vulicy zahadali vyzvalić ad aŭtachłamu
Minskija ŭłady płanujuć na praciahu vieraśnia ačyścić haradskija dvary i vulicy ad aŭtamabilaŭ, jakija praciahły čas stajać biez haspadaroŭ i faktyčna pieratvarylisia ŭ aŭtachłam. Zadaču zaviaršyć hetu pracu da 1 kastryčnika pastaviŭ namieśnik staršyni Minharvykankama Aleh Korzun na pasiadžeńni pracoŭnaj hrupy, pryśviečanym utrymańniu i ŭparadkavańniu horada.
Fota: «Minsk-Naviny»
Na sustrečy taksama abmiarkoŭvali raźvićcio parkovačnaj prastory i adpaviednaj infrastruktury. Hienieralny dyrektar abjadnańnia «Haražy, aŭtastajanki i parkoŭki» Andrej Zyranaŭ asobna źviarnuŭ uvahu na prablemu kinutych aŭtamabilaŭ, jakija zajmajuć miescy ŭ dvarach i na vulicach. Paśla hetaha Aleh Korzun daručyŭ ciaham miesiaca prybrać aŭtahłomazd z haradskoj terytoryi.
Prablemaj aŭtahłomazdu ŭ Minsku zajmajucca ŭžo nie pieršy hod. Jašče ŭ sakaviku 2024 hoda staličnaja Dziaržaŭtainśpiekcyja zapuściła čat-bot, praź jaki haradžanie mohuć paviedamlać pra kinutyja aŭtamabili.
Čytajcie taksama:
Minskija ŭłady pakazali, jak utylizujuć kinutyja mašyny VIDEA
Ułady nastrojenyja rašuča zmahacca z aŭtachłamam u haradskich dvarach