У Мінску тры дні палююць на парушальнікаў паркавання
У Мінску з 7 да 9 верасня Дзяржаўтаінспекцыя праводзіць прафілактычную акцыю «Стоп-паркоўка». Інспектары сочаць за тым, як кіроўцы выконваюць правілы прыпынку і стаянкі.
Здымак ілюстрацыйны
Асаблівую ўвагу надаюць аўтамабілям, пакінутым з парушэннем патрабаванняў ПДР. Рэйды праводзяцца, у тым ліку, для кантролю за паркоўкай на месцах, прызначаных для людзей з інваліднасцю.
Калі аўтамабіль стаіць з парушэннем правіл або стварае рэальную перашкоду для руху, да кіроўцы могуць прымяніць прадугледжаныя законам меры. У тым ліку машыну могуць прымусова эвакуяваць на стаянку пад аховай.
Дзяржаўтаінспекцыя нагадвае, што перад тым, як пакінуць аўтамабіль, варта пераканацца, што выбранае месца адпавядае Правілам дарожнага руху.
Чытайце таксама:
Да канца месяца мінскія вуліцы загадалі вызваліць ад аўтахламу
Мінскія ўлады расказалі, як будуць змагацца з «акіянам аўтамабіляў» у дварах
У Мядзеле мужчына паставіў на паркоўку замест машыны табурэтку
Сезон сельскагаспадарчых кірмашоў стартуе ў Мінску 19 верасня