Кіроўца монакола ў Мінску разагнаўся да 60 км/г

Супрацоўнікі сталічнай Дзяржаўтаінспекцыі знайшлі ў інтэрнэце відэа, на якім кіроўца монакола едзе па веладарожцы на праспекце Незалежнасці з хуткасцю, значна вышэйшай за дазволеныя 25 км/г.

Скрыншот з відэа

Відэа зняў аўтамабіліст, які праязджаў па праспекце. Легкавік рухаўся з дазволенай для яго хуткасцю 60 км/г, а чалавек на монаколе ехаў прыкладна на адным узроўні з аўтамабілем. Такім чынам, хуткасць монакола магла дасягаць каля 60 км/г.

З дапамогай рэспубліканскай сістэмы маніторынгу грамадскай бяспекі інспектары аператыўна ўстанавілі асобу парушальніка. Ім быў 33‑гадовы мужчына.

За парушэнне кіроўца монакола прыцягнуты да адказнасці, прадугледжанай законам.

У Дзяржаўтаінспекцыі нагадалі, што кіроўцам сродкаў персанальнай мабільнасці ў населеных пунктах забаронена развіваць хуткасць больш за 10 км/г, а пры руху па веладарожцы — больш за 25 км/г.

Паводле новых правіл, калі сродак персанальнай мабільнасці можа развіваць хуткасць больш за 25 км/г, ён павінен прайсці тэхнічную сертыфікацыю. Пасля праверкі такі сродак можа быць аднесены ўжо да іншай катэгорыі транспарту — напрыклад, мапеда або матацыкла. Для кіравання імі неабходнае адпаведнае пасведчанне кіроўцы. Калі яго няма, прадугледжаны штраф.

Каментары да артыкула