Kiroŭca monakoła ŭ Minsku razahnaŭsia da 60 km/h

Supracoŭniki staličnaj Dziaržaŭtainśpiekcyi znajšli ŭ internecie videa, na jakim kiroŭca monakoła jedzie pa vieładarožcy na praśpiekcie Niezaležnaści z chutkaściu, značna vyšejšaj za dazvolenyja 25 km/h.

Skrynšot ź videa

Videa źniaŭ aŭtamabilist, jaki prajazdžaŭ pa praśpiekcie. Lehkavik ruchaŭsia z dazvolenaj dla jaho chutkaściu 60 km/h, a čałaviek na monakole jechaŭ prykładna na adnym uzroŭni z aŭtamabilem. Takim čynam, chutkaść monakoła mahła dasiahać kala 60 km/h.

Z dapamohaj respublikanskaj sistemy manitorynhu hramadskaj biaśpieki inśpiektary apieratyŭna ŭstanavili asobu parušalnika. Im byŭ 33‑hadovy mužčyna.

Za parušeńnie kiroŭca monakoła pryciahnuty da adkaznaści, praduhledžanaj zakonam.

U Dziaržaŭtainśpiekcyi nahadali, što kiroŭcam srodkaŭ piersanalnaj mabilnaści ŭ nasielenych punktach zabaroniena raźvivać chutkaść bolš za 10 km/h, a pry ruchu pa vieładarožcy — bolš za 25 km/h.

Pavodle novych pravił, kali srodak piersanalnaj mabilnaści moža raźvivać chutkaść bolš za 25 km/h, jon pavinien prajści techničnuju siertyfikacyju. Paśla pravierki taki srodak moža być adniesieny ŭžo da inšaj katehoryi transpartu — naprykład, mapieda abo matacykła. Dla kiravańnia imi nieabchodnaje adpaviednaje paśviedčańnie kiroŭcy. Kali jaho niama, praduhledžany štraf.

Kamientary da artykuła