Пачобут купляў кавун. Аказалася, іх вырошчвае і прадае сям’я рэпрэсаваных. Жанчына расплакалася
«Жанчына, са слязамі на вачах, доўга выбірала мне свой найлепшы кавун».
Анджэй Пачобут у Гродне. Фота: яго фэйсбук
Былы палітзняволены Анджэй Пачобут 8 верасня вярнуўся ў Беларусь. Ён збіраецца правесці там тыдзень. Пачобут наведаў Гродна, Мінск, дзе прайшоўся да Валадаркі.
У фэйсбуку былы палітвязень падзяліўся кранальнай гісторыяй, якая здарылася з ім падчас паездак па краіне. Ён купіў кавун, які вырасцілі на поўдні Беларусі, — хоць ён і не такі салодкі, як узбекскі, за ім цэлая гісторыя.
«Аказалася, што і прадавачка, і ўладальнік бізнэсу — муж і жонка. Абодва адседзелі за 2020 год. Артыкул 342: «актыўны ўдзел у дзеяннях, што парушаюць грамадскі парадак». Адбылі адпаведна «хатнюю хімію» і «хімію» з накіраваннем у папраўчую ўстанову.
Цяпер яны вядуць уласны невялікі бізнэс і, падобна да большасці беларусаў, чакаюць на лепшыя часы.
Размова была поўная хвалявання, і жанчына, са слязамі на вачах, доўга выбірала мне свой найлепшы кавун.
Трымаю кулакі за такіх людзей. Няхай Пан Бог апякуецца імі!»
Чытайце таксама:
Андрэй Пачобут наведаў у Мінску Валадарку ФОТЫ
Андрэй Пачобут наведаў у Гродне офіс Саюза палякаў ФОТЫ
Сябар Пачобута: Пасля тыдня ў Беларусі Андрэй паедзе ў Амерыку