Pačobut kuplaŭ kavun. Akazałasia, ich vyroščvaje i pradaje siamja represavanych. Žančyna raspłakałasia

«Žančyna, sa ślazami na vačach, doŭha vybirała mnie svoj najlepšy kavun».

Andžej Pačobut u Hrodnie. Fota: jaho fejsbuk

Były palitźniavoleny Andžej Pačobut 8 vieraśnia viarnuŭsia ŭ Biełaruś. Jon źbirajecca pravieści tam tydzień. Pačobut naviedaŭ Hrodna, Minsk, dzie prajšoŭsia da Vaładarki.

U fejsbuku były palitviazień padzialiŭsia kranalnaj historyjaj, jakaja zdaryłasia ź im padčas pajezdak pa krainie. Jon kupiŭ kavun, jaki vyraścili na poŭdni Biełarusi, — choć jon i nie taki sałodki, jak uźbiekski, za im cełaja historyja.

«Akazałasia, što i pradavačka, i ŭładalnik biznesu — muž i žonka. Abodva adsiedzieli za 2020 hod. Artykuł 342: «aktyŭny ŭdzieł u dziejańniach, što parušajuć hramadski paradak». Adbyli adpaviedna «chatniuju chimiju» i «chimiju» z nakiravańniem u papraŭčuju ŭstanovu.

Ciapier jany viaduć ułasny nievialiki biznes i, padobna da bolšaści biełarusaŭ, čakajuć na lepšyja časy.

Razmova była poŭnaja chvalavańnia, i žančyna, sa ślazami na vačach, doŭha vybirała mnie svoj najlepšy kavun.

Trymaju kułaki za takich ludziej. Niachaj Pan Boh apiakujecca imi!»

Kamientary da artykuła