У Барысаве матацыкліст разагнаўся ў тры разы больш, чым дазволена
У Барысаве супрацоўнікі Дзяржаўтаінспекцыі выявілі матацыкліста, які значна перавысіў дазволеную хуткасць. На адным з участкаў горада ён разагнаўся да 182 км/г, хоць максімальна дазволеная хуткасць там складала 60 км/г. Такім чынам, хуткасць была перавышаная больш чым утрая.
Здымак ілюстрацыйны. Фота: Lookby.media
Парушэнне супрацоўнікі ДАІ Барысаўскага раёна зафіксавалі з дапамогай тэхнічнага комплексу «Бінар».
Высветлілася, што матацыклам Honda кіраваў 41‑гадовы жыхар Барысава. Ён рухаўся па вуліцы Ватуціна, калі прыбор зафіксаваў хуткасць 182 км/г.
За грубае парушэнне правіл дарожнага руху мужчыну прыцягнулі да адміністрацыйнай адказнасці. Яму прызначылі штраф у памеры 8 базавых велічынь, што складае 360 беларускіх рублёў.
У ДАІ Мінскай вобласці нагадалі, што перавышэнне хуткасці істотна павялічвае рызыку дарожна-транспартных здарэнняў. Акрамя таго, чым вышэйшая хуткасць, тым цяжэйшымі могуць быць наступствы аварыі.
Чытайце таксама:
Кіроўца монакола ў Мінску разагнаўся да 60 км/г
На праспекце Незалежнасці ў сталіцы двое 17‑гадовых падлеткаў на матацыкле ўрэзаліся ў аўтамабіль
Амаль 5 тысяч самакатаў у Беларусі прызналі мапедамі
«Дзякуй, мотабраце!» Слуцкі матацыкліст дапамог салігорскай хуткай выйграць час для цяжкахворага