U Barysavie matacyklist razahnaŭsia ŭ try razy bolš, čym dazvolena

U Barysavie supracoŭniki Dziaržaŭtainśpiekcyi vyjavili matacyklista, jaki značna pieravysiŭ dazvolenuju chutkaść. Na adnym z učastkaŭ horada jon razahnaŭsia da 182 km/h, choć maksimalna dazvolenaja chutkaść tam składała 60 km/h. Takim čynam, chutkaść była pieravyšanaja bolš čym utraja.

Zdymak ilustracyjny. Fota: Lookby.media

Parušeńnie supracoŭniki DAI Barysaŭskaha rajona zafiksavali z dapamohaj techničnaha kompleksu «Binar».

Vyśvietliłasia, što matacykłam Honda kiravaŭ 41‑hadovy žychar Barysava. Jon ruchaŭsia pa vulicy Vatucina, kali prybor zafiksavaŭ chutkaść 182 km/h.

Za hrubaje parušeńnie pravił darožnaha ruchu mužčynu pryciahnuli da administracyjnaj adkaznaści. Jamu pryznačyli štraf u pamiery 8 bazavych vieličyń, što składaje 360 biełaruskich rubloŭ.

U DAI Minskaj vobłaści nahadali, što pieravyšeńnie chutkaści istotna pavialičvaje ryzyku darožna-transpartnych zdareńniaŭ. Akramia taho, čym vyšejšaja chutkaść, tym ciažejšymi mohuć być nastupstvy avaryi. 

Kamientary da artykuła