YouTube зноў заблакаваў канал тэлеканала СТБ. Гэтым разам — проста падчас жывога эфіру

СТБ якраз паказваў прапагандысцкае ток-шоу «Па сутнасці», прысвечанае афіцыёзнаму Дню народнага адзінства. 

«Проста зараз, у разгар абмеркавання Дня народнага адзінства і гістарычнай праўды, IT-гігант заблакаваў наш акаўнт», — заявілі ў СТБ.

Блакаванне для сябе магчымасці пашыраць прапаганду на YouTube прадстаўнікі СТВ назвалі праявай інфармацыйнай вайны. 

Пасля спынення трансляцыі тэлеканал паведаміў, што працягвае вяшчанне на альтэрнатыўных пляцоўках — у сацыяльнай сетцы «УКантакце» і на Videobel.

Пазней стала вядома таксама пра выдаленне з YouTube каналаў «Радыё Культура BY», «Радыё Сталіца» і Першага канала беларускага радыё.

Гэта не першы выпадак, калі YouTube блакуе беларускія дзяржаўныя медыя. У пачатку красавіка 2026 года платформа выдаліла каналы АНТ, СТБ і БелТА. Той жа лёс неўзабаве спасціг і новы канал СТБ.

Каментары да артыкула