Увечары 3 красавіка YouTube выдаліў тры дзяржаўныя прапагандысцкія каналы — БелТА, СТБ і АНТ.
Міністэрства інфармацыі заявіла, што негатыўна ацэньвае гэты «недружалюбны і беспадстаўны крок» і пакідае за сабой права на прыняцце неабходных мер рэагавання.
З'явілася версія, што прычынай блакіроўкі мог стаць выпуск праграмы Рамана Пратасевіча на СТБ ад 2 красавіка пра супрацоўнікаў Беларускага расследавальніцкага цэнтра, дзе ён агучваў мабільныя тэлефоны і адрасы журналістаў. Або яго выпуск пра ўдзельнікаў святкавання Дня Волі ў Вільні, дзе раскрываліся ўдзельнікі.
Аднак ці магла быць прычына ў гэтым? Звычайна, калі YouTube выяўляе парушэнне ў відэа, то выдаляе ці абмяжоўвае толькі яго, выдаючы аўтару папярэджанне. Выдаленне канала — надзвычайны выпадак, для якога патрэбнае вельмі грубае парушэнне правіл платформы.
А выдаленне адразу трох, ускосна звязаных адзін з адным, каналаў вельмі складана патлумачыць выключна парушэннем у нейкім асобным відэа ці двух.
Больш верагодна, што каналы беларускай прапаганды выдалілі з-за санкцый, накладзеных на іх уласнікаў. Чаму гэтыя тры, а не іншыя — верагодна, іх рэгістраваў той ці тыя, хто ў санкцыйным спісе.
«Насамрэч гэтыя каналы меліся быць заблакаваныя даўным-даўно ў выкананне санкцый, накладзеных на ўласнікаў гэтых каналаў, юрыдычных асоб — Белтэлерадыёкампанію і іншых, — пракаментаваў «Нашай Ніве» дарадца Ціханоўскай Франак Вячорка. —
Раней мы падымалі гэта пытанне з Google, і яны казалі, што блакуюць каналы ў выкананне санкцый у тых краінах, якія да іх звяртаюцца.
Што паслужыла поўнаму блакаванню і чаму менавіта цяпер, гэта мы паспрабуем высветліць найбліжэйшым часам».
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос10
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары