Мінская ЦЭЦ-4 два дні будзе моцна шумець
18 і 21 верасня на асноўным абсталяванні Мінскай ЦЭЦ-4 запланаваныя пускавыя работы. Падчас іх магчымае павышэнне ўзроўню шуму, паведамілі ў «Мінскэнерга».
ЦЭЦ-4. Фота ілюстрацыйнае
Работы праводзяць у межах падрыхтоўкі сталічнай энергетычнай інфраструктуры да асенне-зімовага перыяду. Спецыялісты правераць гатоўнасць абсталявання да высокіх нагрузак і здольнасць станцыі бесперабойна забяспечваць спажыўцоў цяплом і электраэнергіяй на працягу ацяпляльнага сезона.
Таксама будуць правяраць асноўнае абсталяванне і сістэмы кіравання. Гэта дазволіць загадзя выявіць магчымыя схаваныя дэфекты і тэхнічныя адхіленні, а таксама праверыць працу сістэм абароны і блакавання.
Паколькі падчас тэхнічных аперацый можа ўзнікаць дадатковы шум, работы запланавалі пераважна на дзённы час.
Чытайце таксама:
Гомельскаму пенсіянеру прадалі няспраўны трымер і заплацілі за гэта ў шэсць разоў больш
Паміж Мінскам і Маладзечнам запускаюць паскораныя электрычкі