Кіраваная авіябомба трапіла ў шматпавярховік у Сумах. Двое загінулі
Увечары 18 верасня Расія ўдарыла па Сумах.
Шматпавярховік, у які прыляцела КАБ. Фота: Дзяржаўная служба па надзвычайных сітуацыях Сумшчыны
Кіраваная авіябомба трапіла ў шматпавярховік — два чалавекі загінулі.
Бомба трапіла паміж 3 і 4 паверхамі 9‑павярховага жылога дома, паведаміла Дзяржаўная служба па надзвычайных сітуацыях Сумшчыны, ратавальнікі якой даставалі людзей з-пад завалаў.
Фота: Дзяржаўная служба па надзвычайных сітуацыях Сумшчыны
Загінулі мужчына і жанчына. Яшчэ восем чалавек пацярпелі, у тым ліку 7‑гадовы хлопчык. Іх даставілі ў бальніцу. Трое чалавек знаходзяцца ў цяжкім стане, паведаміў кіраўнік Сумскай абласной дзяржаўнай адміністрацыі Алег Грыгораў.