Kiravanaja avijabomba trapiła ŭ šmatpaviarchovik u Sumach. Dvoje zahinuli
Uviečary 18 vieraśnia Rasija ŭdaryła pa Sumach.
Šmatpaviarchovik, u jaki prylacieła KAB. Fota: Dziaržaŭnaja słužba pa nadzvyčajnych situacyjach Sumščyny
Kiravanaja avijabomba trapiła ŭ šmatpaviarchovik — dva čałavieki zahinuli.
Bomba trapiła pamiž 3 i 4 pavierchami 9‑paviarchovaha žyłoha doma, paviedamiła Dziaržaŭnaja słužba pa nadzvyčajnych situacyjach Sumščyny, ratavalniki jakoj dastavali ludziej z-pad zavałaŭ.
Fota: Dziaržaŭnaja słužba pa nadzvyčajnych situacyjach Sumščyny
Zahinuli mužčyna i žančyna. Jašče vosiem čałaviek paciarpieli, u tym liku 7‑hadovy chłopčyk. Ich dastavili ŭ balnicu. Troje čałaviek znachodziacca ŭ ciažkim stanie, paviedamiŭ kiraŭnik Sumskaj abłasnoj dziaržaŭnaj administracyi Aleh Hryhoraŭ.