Беларус прывёз з Вялікабрытаніі дахаты падробленыя фунты

Жыхарка Бабруйска прыйшла ў мясцовы банк, каб абмяняць там 20 фунтаў стэрлінгаў. Касір, аднак, звярнуў увагу на прыкметы падробкі і націснуў трывожную кнопку, піша Myfin.by.

Банкноту ўзору 2018 года канфіскавалі і накіравалі на экспертызу. Спецыялісты Бабруйскага міжраённага аддзела Дзяржаўнага камітэта судовых экспертыз высветлілі, што купюра была надрукаваная на струмянёвым прынтары. Ахоўная галаграма і рэльефнасць таксама былі імітаваныя.

45‑гадовая бабруйчанка сцвярджала, што нічога не ведала пра падробку. Паводле слоў жанчыны, валюту прывёз яе муж, якому ў Вялікабрытаніі ёй выплацілі заробак.

Па факце вырабу падробленага грашовага знака завялі крымінальную справу.

Каментары да артыкула