Biełarus pryvioz ź Vialikabrytanii dachaty padroblenyja funty
Žycharka Babrujska pryjšła ŭ miascovy bank, kab abmianiać tam 20 funtaŭ sterlinhaŭ. Kasir, adnak, źviarnuŭ uvahu na prykmiety padrobki i nacisnuŭ tryvožnuju knopku, piša Myfin.by.
Banknotu ŭzoru 2018 hoda kanfiskavali i nakiravali na ekśpiertyzu. Śpiecyjalisty Babrujskaha mižrajonnaha adździeła Dziaržaŭnaha kamiteta sudovych ekśpiertyz vyśvietlili, što kupiura była nadrukavanaja na strumianiovym pryntary. Achoŭnaja hałahrama i reljefnaść taksama byli imitavanyja.
45‑hadovaja babrujčanka śćviardžała, što ničoha nie viedała pra padrobku. Pavodle słoŭ žančyny, valutu pryvioz jaje muž, jakomu ŭ Vialikabrytanii joj vypłacili zarobak.
Pa fakcie vyrabu padroblenaha hrašovaha znaka zaviali kryminalnuju spravu.
Čytajcie taksama:
U ivacevickim banku admovilisia abmianiać dalary, atrymanyja paśla prodažu chaty
U Minsku zatrymali dvuch falšyvamanietčykaŭ
U Biełarusi vyjavili čarhovyja falšyvyja brytanskija kupiury