Іван Краўцоў расказаў, дзе цяпер працуе
Да таго, як змяніць месца, Краўцоў чатыры гады працаваў у EPAM.
Іван Краўцоў. Скрыншот: EuroradioLive / YouTube
Іван Краўцоў у эфіры «Еўрарадыё» расказаў пра сваю цяперашнюю працу.
Ён з нядаўняга часу працуе дырэктарам праекта ў прыватнай фін-тэх кампаніі, якая, сярод іншага, займаецца міжнароднымі пераводамі.
«Я працаваў у кампаніі EPAM Systems чатыры гады. І з лета гэтага года ўжо працую ў іншай кампаніі», — падзяліўся Краўцоў.
Ён заўважыў, што ніколі не быў айцішнікам, але з камп’ютарамі з дзяцінства на «ты».
Топ-менеджар EPAM Systems — Максім Баграцоў, які ў 2020‑м прыняў актыўны ўдзел у выбарчых працэсах, а пасля застаўся адзіным з лідараў Каардынацыйнай рады, хто не трапіў за краты і не эміграваў. Баграцоў збіраўся ствараць партыю «Разам» з прыхільнікаў Віктара Бабарыкі, але ўрэшце ўлады выціснулі з Беларусі і яго.